Qızlarımız "Paris-2024" Yay Olimpiya Oyunlarını 7-ci sırada başa vurublar

 9 avqust qızlardan ibarət U-18 millimiz Rumıniyanın Tulça şəhərində keçirilən Avropa çempionatı B divizionunda 17-20-ci yerlər uğrunda oyunda Norveç seçməsi ilə qarşılaşıb. Millimiz çempionatdakı son oyununda rəqibini 77:48 hesabı ilə məğlub edib. Görüşün ən dəyərli basketbolçusu (MVP) 25 xal, 22 ribaundla millimizin üzvü Polina Şukina seçilib. Bu qələbə millimizin ardıcıl üçüncü qələbəsi olub. Qızlarımız daha öncə Şimali Makedoniya yığmasına 75:73, Estoniya seçməsinə isə 74:71 hesabı ilə qalib gəlmişdi.

 Qeyd edək ki, Avropa çempionatı B divizionundakı çıxışını yekunlaşdıran U-18 qız millimiz çempionatı 20 komanda arasında 17-ci sırada bitirib.

 3 avqust oğlanlardan ibarət U-18 millimiz Xorvatiyanın Riyeka və Opatiya şəhərlərində keçirilən Avropa çempionatı B divizionunda sonuncu oyununu keçirib. Millimiz 15-16-cı yerlər uğrunda görüşdə İslandiya seçməsinə 73:91 hesabı ilə məğlub olub və Avropa çempionatı B divizionunu 22 komanda arasında 16-cı sırada tamamlayıb.

 25 iyul oğlanlardan ibarət U-18 millimiz Xorvatiyanın Riyeka və Opatiya şəhərlərində keçirilən Avropa çempionatı B divizionunda ikinci qrup oyununu Ukrayna seçməsinə qarşı keçirib. Millimiz oyunun ilk hissəsində rəqibə məğlub olsa da, ikinci hissədə geridönüş edərək 77:68 hesablı qələbə qazanıb. Görüşün ən dəyərli basketbolçusu (MVP) 20 xal, 17 ribaundla millimizin üzvü Emanuel Aqbason seçilib. Bu qələbə U-18 millimizin Avropa çempionatı B divizinionunda qazandığı ilk qrup qələbəsi kimi də tarixə düşüb.

 Qeyd edək ki, yığmamız qrupda növbəti oyununu 26 iyul Bakı vaxtı ilə saat 12:30-da İslandiya seçməsinə qarşı keçirəcək.