"Xəzri" çempionatın vahid lideridir

 12-15 mart tarixlərində Azərbaycan Basketbol Liqasında (ABL) 19-cu turun görüşləri keçirilib. "A" və "B" qruplarında baş tutmuş oyunlarda aşağıdakı hesablar qeydə alınıb.

A qrupu

"Gəncə" - "Sabah" (73:87)

"Abşeron Lions" - "Neftçi" (107:86)

NTD - "Şəki" (101:84)

B qrupu

"Naxçıvan" - "Sərhədçi" (83:67)

"Sumqayıt" - "Ordu" (98:121)

"Lənkəran" - "Quba" (88:95)

 Qeyd edək ki, müntəzəm mövsümün sonuna bir tur qalmış, reqlamentə əsasən "Sabah", "Abşeron Lions", "Neftçi" və "Ordu" klubları birbaşa olaraq play-off'a (1/4 final ) vəsiqəni təmin ediblər.

 15 mart qadınlardan ibarət 3x3 basketbol üzrə milli komandamızın FİBA Çempionlar Kubokunda həlledici oyunları baş tutub. B qrupunu ikinci sırada bitirmiş millimiz yarımfinal oyununda basketbolun yaradıcıları sayılan ABŞ yığması üzərində 22:20 hesablı qələbə qazanaraq, finala yüksəlib. Qızlarımız finalda Niderland seçməsi ilə qarşılaşıb. Oyun rəqibin 21:12 hesablı qələbəsi ilə yekunlaşıb.

 Qeyd edək ki, millimiz ilk dəfə iştirak etdiyi FİBA Çempionlar Kubokunda güclü rəqiblərə qarşı layiqli mübarizə aparaq, turniri gümüş medalla tamamlayıb və Azərbaycan basketbolu adına tarixi nəticəyə imza atıb.

 Qadınlar arasında keçirilən 3x3 basketbol üzrə FİBA Çempionlar Kubokunda millimizin qrup oyunları yekunlaşıb. Millimiz birinci qrup oyununda Kanada seçməsinə 10:16 hesabı ilə məğlub olsa da, ikinci görüşdə ev sahibi Tailand komandasına 21:8 hesabı ilə qalib gəlib. Qızlarımız qrupun son oyununda İspaniya seçməsinə 16:11 hesabı ilə qalib gələrək, qrup ikincisi kimi yarımfinala vəsiqə qazanıb. Millimizin yarımfinal oyunu 15 mart Bakı vaxtı ilə saat 10:15-də baş tutacaq.

 Qeyd edək ki, turnirin qalibi FIBA 3x3 Çempionlar Kuboku 2027, FIBA 3x3 Dünya Kuboku 2027 və 2028-ci il Yay Olimpiya Oyunlarına vəsiqə verən Olimpiya Təsnifat turnirində iştirak hüququ qazanacaq.