"Sabah" basketbolçuları super seriyaya qələbə ilə başlayıblar

  7 iyun 3x3 basketbol üzrə qadınlardan ibarət milli komandamız Polşanın paytaxtı Varşava şəhərində keçirilən Dünya Çempionatının yarımfinalında ABŞ seçməsi ilə qarşılaşıb. Görüşün sonlarına doğru millimizin lideri sayılan Brianna Freyser zədələnərək oyunu tərk edib və əlavə vaxtın yekununda millimiz rəqibinə 18:19 hesabı ilə məğlub olub. Qızlarımız 3-cü yer uğrunda görüşdə Niderland yığması ilə qarşılaşıb. Brianna Freyserin iştirak etmədiyi görüşdə millimiz oyunu 3 basketbolçu ilə davam etdirmək məcburiyyətində qalıb və yekunda rəqibinə 14:21 hesabı ilə məğlub olaraq, ilk dəfə iştirak etdiyi Dünya Çempionatını 4-cü pillədə yekunlaşdırıb.

 6 iyun 3x3 basketbol üzrə qadın millimiz Polşanın paytaxtı Varşava şəhərində keçirilən Dünya Çempionatının 1/4 finalında Almaniya seçməsinə qarşı oyuna çıxıb. 5 iyun əlavə vaxta getmiş play-in oyununda Litva millisinə 12:14 hesabı ilə qalib gələn qızlarımız, almanlarla görüşün əvvəllərində hesabda geridə olsalar da, daha sonra Brianna Freyserin dominant oyunu sayəsində geridönüş edib rəqibinə 18:16 hesabı ilə qalib gələrək, yarımfinala vəsiqə qazanıblar. Millimizin yarımfinaldakı rəqibi ABŞ seçməsi olacaq. Oyun Bakı vaxtı ilə saat 19:30-da start götürəcək.

 Qeyd edək ki, Dünya Çempionatına 7 iyunda yekun vurulacaq.

 1-3 iyun tarixlərində 3x3 basketbol üzrə qadın millimiz Polşanın paytaxtı Varşava şəhərində keçirilən Dünya Çempionatında qrup mərhələsinin oyunlarını yekunlaşdırıb.Millimizin qrup oyunlarında aşağıdakı nəticələr qeydə alınıb.

Azərbaycan - Madaqaskar (21:13)

Azərbaycan - Niderland (13:19)

Azərbaycan - Çexiya (14:11)

Azərbaycan - Polşa (20:13)

 A qrupunu ikinci sırada tamamlamış milli komandamız, play-in mərhələsinə vəsiqə qazanıb. Reqlamentə əsasən, play-in mərhələsindəki rəqibimiz D qrupunun üçüncüsü olacaq. Qeyd edək ki, millimizin 1/4 final mərhələsinə vəsiqə uğrunda play-in qarşılaşması 5 iyunda baş tutacaq.