"Sabah" basketbolçuları super seriyaya qələbə ilə başlayıblar

 5 iyul basketbol üzrə kişilərdən ibarət milli komandamız, 2029-cu ildə baş tutacaq Avropa çempionatının ilkin seçmə mərhələsinin sonuncu qrup oyununda İrlandiya yığması ilə qarşılaşıb. Bakı İdman Sarayında keçirilmiş görüşdə qonaq irlandiyalılar 76:70 hesabı ilə milli komandamıza qalib gəlib.

 Qeyd edək ki, millimiz seçmə mərhələ oyunlarını 2 qələbə, 3 məğlubiyyət ilə yekunlaşdırıb.

 3-4 iyul 3x3 basketbol üzrə Dünya Qadın Seriyasında Marsel (Fransa) mərhələsinin görüşləri keçirilib. Ölkəmizi bu mərhələdə təmsil edən "Neftçi" qrup lideri kimi 1/4 finala yüksəlib. "Neftçi" 1/4 finalda Uqanda millisinə 18:15, yarımfinalda Fransa seçməsinə 14:10 hesabı ilə qalib gələrək, finala vəsiqə qazanıb. Finalda güclü Kanada yığması ilə üz-üzə gələn təmsilçimiz, gərgin mübarizənin yekununda 9:15 hesabı ilə qələbə qazanıb və Marsel mərhələsinin çempionu olub. Turnirin ən dəyərli basketbolçusu (MVP) "Neftçi" klubunun və milli komandamızın üzvü Arika Karter seçilib.

 Qeyd edək ki, Qadın Seriyasında Marsel mərhələsindəki çempionluqdan sonra “Neftçi” klubu ümumi xallarının sayını 352-yə çatdırıb və reytinqdə ilk sıraya yüksəlib.“Neftçi”nin hazırda ən yaxın izləyiciləri turnirdə mübarizə aparan Almaniya millisi (328 xal) və Monqolustanın "Ulaanbaatar Amazons" klubudur (320 xal).

 2 iyul basketbol üzrə kişilərdən ibarət milli komandamız, 2029-cu ildə baş tutacaq Avropa çempionatının ilkin seçmə mərhələsinin qrup oyununda səfərdə Lüksemburq yığmasına 76:74 hesabı ilə qalib gəlib. Oyunun ən məhsuldar basketbolçusu 19 xalla millimizin üzvü Kamran Məmmədov seçilib.

 Qeyd edək ki, bu qələbə millimizin qrupda ikinci qələbəsi olub. Millimiz qrupda sonuncu oyununu 5 iyul saat 17:00-da Bakı İdman Sarayında İrlandiya seçməsinə qarşı keçirəcək.