ABL-də "Sabah", "Abşeron Lions" və "Ordu" klubları maksimum nəticə ilə yola davam edirlər

 3-5 dekabr Azərbaycan Basketbol Liqasında (ABL) 8-ci turun oyunları keçirilib. "A" və "B" qruplarında baş tutmuş oyunlarda aşağıdakı hesablar qeydə alınıb.

A qrupu

"Neftçi" - "Gəncə" (73:80)

"Abşeron Lions" - NTD (102:87)

"Şəki" - "Sabah" (83:115)

B qrupu

"Sərhədçi" - "Ordu" (64:100)

"Naxçıvan" - "Lənkəran" (82:75)

"Quba" - "Sumqayıt" (107:90)

 8 turdan sonra "Sabah" və "Ordu" klubları maksimum nəticə ilə müvafiq olaraq "A" və "B" qruplarına başçılıq edirlər. Qeyd edək ki, 6 dekabr 3-cü turdan təxirə salınmış "Gəncə" - "Neftçi" oyunu keçirilib və ev sahibləri 85:84 hesabı ilə qələbə qazanıblar.

 Basketbol üzrə kişilərdən ibarət milli komandamız 2029-cu ildə baş tutacaq Avropa Çempionatının (Eurobasket) ilkin seçmə mərhələsində iki oyun keçirib. A qrupundakı ilk oyunumuz səfərdə, qrupun ən güclü komandası sayılan Şimali Makedoniyaya qarşı baş tutub. Ev sahibi komanda bu görüşü 87:49 hesablı qələbə ilə tamamlayıb. Qrupdakı ikinci oyunumuz isə Lüksemburq yığmasına qarşı olub. Millimiz oyunun sonuncu periodunda geri dönüş etməyə yaxın olsa da, yekun hesab 90:95 rəqibin xeyrinə qeydə alınıb.

 Qeyd edək ki, Azərbaycan millisinin qrupdakı növbəti oyunları 2026-cı il fevralın 27-də səfərdə İrlandiyaya, martın 2-də isə yerli azarkeşlər önündə Şimali Makedoniyaya qarşı olacaq.

 19 noyabr Səudiyyə Ərəbistanının paytaxtı Ər-Riyadda təşkil olunan VI İslam Həmrəyliyi Oyunlarında 3x3 basketbol üzrə yarışların həlledici görüşləri baş tutub. Qadınlardan ibarət millimiz yarımfinal oyununda Misir yığmasına 22:15 hesabı ilə qalib gəlib və finala vəsiqə qazanıb. Qızlarımız final görüşündə qardaş ölkə təmsilçisi Türkiyə yığması ilə qarşılaşıb və rəqibinə 21:13 hesabı ilə qalib gələrək qızıl medala sahib olub. Qeyd edək ki, millimiz İslam Həmrəyliyi Oyunlarında ardıcıl 3-cü dəfə çempion olmağı bacarıb.