Azərbaycan Basketbol Liqasında (ABL) 4-cü tur start götürüb

 24 dekabr Bakı İdman Sarayında basketbol üzrə Azərbaycan Kubokunun (2026) püşkatma mərasimi baş tutub. Tədbirdə federasiya rəsmiləri, klub nümayəndələri, media mənsubları, məşqçilər, basketbolçular və hakimlər iştirak ediblər. Püşkatma mərasimini Azərbaycan Basketbol Federasiyasının (ABF) mətbuat katibi Sənan Əliyev qonaqları salamlıyaraq açıq elan edib. Daha sonra səhnəyə dəvət olunan Azərbaycan Basketbol Federasiyasının (ABF) baş katibi Vüqar Əliyev və marketinq meneceri Famil İsgəndəroğlu püşkü reallaşdırıblar. Püşkün nəticələrinə əsasən 1/8 final mərhələsində "Naxçıvan" - "Quba", NTD - "Sumqayıt", "Neftçi" - "Lənkəran", "Şəki" -"Sərhədçi" oyunları keçiriləcəkdir. 2026-cı il 13-14 yanvarda baş tutacaq 1/8 final cütlərində püşkə əsasən adları birinci qeyd olunmuş klublar ev sahibi olacaqlar. 18-22 fevral tarixlərində isə 1/4 finalda "Naxçıvan" - "Quba" cütünün qalibi "Sabah" ilə, NTD - "Sumqayıt" cütünün qalibi "Ordu" ilə, "Neftçi" - "Lənkəran" cütünün qalibi "Gəncə" ilə, "Şəki" - "Sərhədçi" cütünün qalibi isə "Abşeron Lions" ilə qarşılacaqdır. Kubokun reqlamentinə, meydanda 2 yerli basketbolçunun olması və bütün görüşlərin nəticələrinin bir oyuna görə təyin olunması daxil edilmişdir.

 Qeyd edək ki, 1/4 final, yarımfinal və final oyunları Bakı İdman Sarayında baş tutacaqdır.

 22 və 23 dekabr Azərbaycan Basketbol Liqasında (ABL) 11-ci turun 4 görüşü oynanılıb. "A" və "B" qruplarında baş tutmuş oyunlarda aşağıdakı hesablar qeydə alınıb.

A qrupu

"Abşeron Lions" - "Şəki" (107:82)

B qrupu

"Ordu" - "Naxçıvan" (86:64)

"Sumqayıt" - "Lənkəran" (99:95)

"Sərhədçi" - "Quba" (97:78)

 Qeyd edək ki, 23 dekabrda 9-cu turdan təxirə salınmış "Sabah" - "Gəncə" oyunu baş tutub və paytaxt klubu 88:82 hesablı qələbə qazanıb. 11-ci turda baş tutmalı olan NTD - "Gəncə" və "Sabah" - "Neftçi" qarşılaşmaları isə komandaların sıx oyun qrafikinə görə təxirə salınıb. 11 turdan sonra "A" qrupuna rəqiblərindən 1 oyun artıq keçirmiş "Abşeron Lions" klubu başçılıq edir. "B" qrupunda isə "Ordu" klubu maksimum nəticə ilə liderliyini davam etdirir. Azərbaycan Basketbol Liqasında (ABL) 12-ci turun oyunlarına 8 yanvarda start veriləcək.

 18-21 dekabr Azərbaycan Basketbol Liqasında (ABL) 10-cu turun oyunları keçirilib. "A" və "B" qruplarında baş tutmuş oyunlarda aşağıdakı hesablar qeydə alınıb.

A qrupu

"Şəki" - "Gəncə" (73:78)

"Sabah" - "Abşeron Lions" (97:101)

"Neftçi" - NTD (106:89)

B qrupu

"Quba" - "Naxçıvan" (69:78)

"Ordu" - "Lənkəran" (84:72)

"Sərhədçi" - "Sumqayıt" (86:83)

 10-cu turda "Abşeron Lions" basketbolçuları son çempion "Sabah" üzərində qələbə qazanaraq, "A" qrupunda ilk pilləyə yüksəliblər. Bu müntəzəm mövsümdə "Sabah"ın ilk məğlubiyyəti olub və bayquşlar liderlə müqayisədə bir oyun daha az keçiriblər. "B" qrupunda isə "Ordu" klubu maksimum nəticə ilə liderliyini davam etdirir. Hərbiçilər çempionatda məğlub olmayan yeganə komandadır.