Azərbaycan Basketbol Liqasında 16-cı tura start verildi

 3 və 4 mart tarixlərində Azərbaycan Basketbol Liqasında (ABL) 16-cı turun 4 oyunu keçirilib. Turun açılış günündə "A" qrupunda iki oyun baş tutub. "Sərhədçi" İdman Mərkəzində "Sabah" klubu 89-73 hesabı ilə "Sərhədçi"yə qalib gələrək yenidən "A" qrupunda liderliyə yüksəlib. "Neftçi" isə Bakı İdman Sarayında "Naxçıvan" üzərində 114-70 hesablı rahat qələbə qazanıb və 3-cü pillədəki mövqeyini möhkəmləndirib. 4 mart Abşeron Olimpiya İdman Kompleksində yerli komanda "Abşeron" 85-98 hesabı ilə paytaxt klubu NTD-yə məğlub olub. Lənkəran Olimpiya İdman Kompleksində isə "B" qrupunun "Lənkəran"-"Sumqayıt" oyunu keçirilib. Görüş "Sumqayıt"ın 88-83 hesablı qələbəsi ilə yekunlaşıb. Qeyd edək ki, 16-cı tura 5 mart tarixində bas tutacaq "Şəki"-"Ordu" və "Quba"-"Gəncə" oyunları ilə yekun vurulacaq.

 1 mart Azərbaycan Basketbol Liqasında (ABL) 15-ci turun son oyunu ilə 3-cü dövrəyə yekun vurulub. Şəki Olimpiya İdman Kompleksində yerli komanda "Lənkəran"ı qəbul edib. Oyun "B" qrupunun güclü klublarından sayılan "Şəki"nin 81-75 hesablı qələbəsi ilə bitib. Geridə qalmış 15 turdan sonra "A" qrupuna "Naxçıvan", "B" qrupuna isə "Gəncə" klubu liderlik edir. Qeyd edək ki, Azərbaycan Basketbol Liqasında (ABL) 4-cü sonuncu dövrəyə 3 martdan etibarən start veriləcək.

 26-27 fevral tarixlərində Azərbaycan Basketbol Liqasında (ABL) 15-ci turun 3 oyunu keçirilib. Turun açılış oyununda "A" qrupunun güclü klublarından sayılan "Neftçi" evdə 80-56 hesabı ilə "Abşeron"u məğlub edib və 3-cü pilləyə yüksəlib. "Sərhədçi" İdman Mərkəzində "B" qrupunun ikincisi "Ordu" klubu 103-68 hesabı ilə "Quba" üzərində rahat qələbə qazanıb. "B" qrupunun lideri "Gəncə" basketbolçuları Sumqayıt Olimpiya İdman Kompleksində yerli komanda "Sumqayıt"la üz-üzə gəliblər. Oyun "Gəncə" klubunun 90-81 hesablı qələbəsi ilə yekunlaşıb. Qeyd edək ki, 15-ci tur "Naxçıvan"-"Sabah", NTD - "Sərhədçi" və "Şəki"-"Lənkəran" oyunları ilə yekunlaşacaq.