Azərbaycan Basketbol Liqasında 2-ci tur yekunlaşdı

 Azərbaycan Basketbol Liqasının (ABL) 2026/2027 mövsümündə iştirak edəcək klubların siyahısında dəyişiklik edilmişdir. ABL və ölkə kubokunun keçirilməsi haqqında əsasnamənin 3.3 və 5.12-ci maddələrinə əsasən, klubların qeydiyyat tələblərinin yerinə yetirilməsi ilə bağlı aparılan qiymətləndirmənin nəticəsində ABL idarə heyəti tərəfindən müvafiq qərar qəbul edilmişdir. Qərara əsasən, 2026/2027 mövsümündə “Sumqayıt” BK ABL-də, “Şəki” BK isə ABL2-də iştirak edəcək. Beləliklə, 2026/2027 mövsümündə ABL-də iştirak edəcək 8 klubun yekun siyahısı aşağıdakı kimidir:

“Sabah” BK

“LANDAU Lions”

“Gəncə” BK

“Neftçi” İK

“Ordu” İK

“Naxçıvan” BK

 NTD BK

“Sumqayıt” BK

 Qeyd edək ki, ABL-də 2026/2027 mövsümünə “Sabah” - “LANDAU Lions” oyunu ilə start veriləcək. Açılış oyunu 30 sentyabr saat 19:30-da Bakı İdman Sarayında baş tutacaq.

 11-13 sentyabr qadınlardan ibarət 3x3 milli komandamız Belçikanın Antverpen şəhərində keçirilən Avropa Çempionatında iştirak edib. Millimiz ilk qrup oyununda Niderlanda 12:21 hesabı ilə məğlub olsa da, ikinci görüşündə Ukrayna seçməsinə 20:7 hesabı ilə qalib gəlib və 1/4 finala yüksəlib. Millimiz 1/4 finalda Fransanı 20:15 hesabı ilə məğlub edərək yarımfinalda İspaniya seçməsinə rəqib olub. Qızlarımız yarımfinalda İspaniyaya 16:20 hesabı ilə məğlub olsalar da, 3-cü yer uğrunda görüşdə Sloveniya üzərində 21:18 hesablı qələbə bizi Avropa Çempionatında ən güclü 3-cü komanda edib.

 Qeyd edək ki, bu nəticə ilə 3x3 basketbol üzrə qadınlardan ibarət millimiz ardıcıl ikinci dəfə Avropa Çempionatında mükafatçılar arasında yer alıb.

 Qadın basketbolçulardan ibarət əsas milli komandamızın 6 üzvü Amerika Birləşmiş Ştatlarının müxtəlif təhsil müəssisələrindən və basketbol akademiyalarından rəsmi dəvət alıb. Basketbolçularımız yeni mövsümdən etibarən təhsillərini və idman karyeralarını ABŞ-də davam etdirəcəklər. ​Bu keçidlər milli komandamızın üzvlərinə dünyanın aparıcı basketbol sistemində təcrübə toplamaq, fərdi bacarıqlarını inkişaf etdirmək və beynəlxalq arenada yeni mərhələyə adlamaq imkanı yaradacaq. Onların okean o tayında qazanacaqları təcrübənin gələcəkdə Azərbaycan basketbolunun inkişafına böyük töhfə verəcəyi gözlənilir. ​

ABŞ-yə yollanan basketbolçularımız və təhsil müəssisələri: ​

Səlminaz Ramazanlı — Louisiana Christian University ​

Ela Nur Gökçöl — Georgian Court University ​

Aylin Əkbərzadə — John Bapst Memorial High School ​

Polina Şukina — Central Florida Prep ​

Aylin Niftəliyeva — Springfield Commonwealth Academy ​

Deniz Gökçöl — Central Pointe Christian Academy