"Gəncə" rəqibinə şans tanımadı

 31 yanvar və 1 fevral tarixlərində Azərbaycan Basketbol Liqasında (ABL) 13-ci turun dörd oyunu keçirilib. Turun açılış oyununda "A" qrupunun vahid lideri "Sabab", səfərdə 59-67 hesabı ilə "Abşeron" a məğlub olub. "Sərhədçi" İdman Mərkəzində yerli komanda "Sərhədçi", "Naxçıvan" la oyunda 16 xallıq üstünlüyü əldən verib və yekunda 76-80 hesablı ilə rəqibinə uduzub. Bakı İdman Sarayında keçirilmiş NTD-"Neftçi" görüşündə 105-100 hesablı qələbə qazanan NTD basketbolçuları olub. "Şəki" klubu isə 8 oyunluq qələbə seriyasını davam etdirə bilməyib və doğma meydanda 93-98 hesabı ilə "Sumqayıt" a məğlub olub. Qeyd edək ki, 13-cü tur "Ordu"-"Gəncə" və "Quba"-"Lənkəran" oyunları ilə yekunlaşacaq

 29 yanvar basketbol üzrə Azərbaycan Kubokunda 1/8 final mərhələsinin son oyunları baş tutub. Günün ilk oyununda "Gəncə" yerli publika önündə 81-62 hesabı ilə "Ordu" üzərində asan qələbə qazanıb və 1/4 finalda "Sərhədçi" klubunun rəqibi olub. Kubokun son 1/8 final oyunu isə Sumqayıt Olimpiya İdman Kompleksində "Sumqayıt" və "Neftçi" klubları arasında keçirilib. "Neftçi" 103-90 hesablı qələbə qazanıb və 1/4 finalda "Sabah"a rəqib olub. Qeyd edək ki, 1/4 finalın bütün görüşləri mart ayında Bakı şəhərində oynanılacaq

  25 iyul-3 avqust Rumıniyanın Piteşti şəhərində 18 yaşlı oğlanlar arasında baş tutacaq Avropa çempionatı "B" divizionunda U-18 millimiz "B" qrupunda, Rumıniya, Gürcüstan, Danimarka, Ukrayna və Portuqaliya yığmalarının rəqibi olacaq. 4-13 iyul tarixlərində isə U-18 qız millimiz Litvanın Alitus və Vilnüs şəhərlərində Avropa çempionatı "B" divizionunun "B" qrupunda, Bosniya və Herseqovina, Litva, Kosovo, Ukrayna və İslandiya yığmaları ilə üz-üzə gələcək.

5-13 iyul Albaniyanın Tirana şəhərində 16 yaşlı oğlanlar arasında baş tutacaq Avropa çempionatı "C" divizionunda U-16 yığmamız "B" qrupunda, Lüksemburq, Andorra, San Marino və Cəbəllütariq yığmalarının rəqibi olacaq. 20-29 avqust tarixlərində isə U-16 qız millimiz Türkiyənin İstanbul şəhərində baş tutacaq Avropa çempionatı "B" divizionunun "B" qrupunda Slovakiya, İsveç, Niderland və Lüksemburq seçmələri ilə qarşılaşacaq.