"Gəncə" rəqibinə şans tanımadı

 25 və 26 aprel Azərbaycan Basketbol Liqasında (ABL) play-off mərhələsinin cavab yarımfinal oyunları keçirilib. İlk yarımfinal seriyasının cavab oyununda "Sabah" səfərdə "Gəncə" üzərində 78:73 hesabı ilə qələbə qazanaraq, seriyada ümumi hesabı 2:0 edib və ilk finalçı olub. İkinci yarımfinal seriyasının cavab oyununda "Abşeron Lions" 90:81 hesabı ilə "Neftçi" klubuna qalib gələrək, seriyada ümumi hesabı 2:0 edib və finalda "Sabah" klubuna rəqib olub.

 Qeyd edək ki, final seriyasının ilk oyunu 29 apreldə baş tutacaq. Reqlamentə əsasəsn final seriyasında ən tez üç qələbə qazanmış klub Azərbaycan Basketbol Liqasında (ABL) 2025/26 mövsümünün çempionu olacaq.

 22 və 23 aprel Azərbaycan Basketbol Liqasında (ABL) play-off mərhələsinin ilk yarımfinal oyunları keçirilib. İlk yarımfinal seriyasının birinci oyununda "Sabah" və "Gəncə" basketbolçuları qarşılaşıblar. Bakı İdman Sarayında keçirilmiş oyunda "Sabah" 95:67 hesabı ilə qələbə qazanıb və seriyada 1:0 önə keçib. İkinci yarımfinal seriyasının ilk oyununda "Abşeron Lions" 95:89 hesabı ilə "Neftçi" klubuna qalib gələrək, seriyada ümumi hesabı 1:0 edib.

 Qeyd edək ki, yarımfinal play-off seriyalarında cavab oyunları 25 və 26 apreldə keçiriləcək. Reqlamentə əsasən seriyalarda ən tez iki qələbə qazanmış klublar finala vəsiqə qazanacaqlar.

  19 aprel Azərbaycan Basketbol Liqasında (ABL) play-off mərhələsinin sonuncu 1/4 final oyunları keçirilib. Günün ilk oyununda "Neftçi" əlavə vaxtın sonunda NTD üzərində 102:97 hesablı qələbə qazanıb. Bu qələbə ilə "Neftçi" seriyanın ümumi hesabında NTD-yə 2:1 qalib gəlib və yarımfinala vəsiqəni rəsmiləşdirib. Yarımfinalda "Neftçi" nin rəqibi "Şəki" klubuna seriyanin ümumi hesabında 0:2 hesabı ilə qalib gələn "Abşeron Lions" basketbolçuları olub. Günün ikinci görüşündə "Ordu" və "Gəncə" klubları qarşılaşıblar. Oyun "Gəncə" nin 88:78 hesablı qələbəsi ilə bitib. Bu qələbə ilə "Gəncə" seriyanın ümumi hesabında rəqibinə 2:1 qalib gəlib və yarımfinalda "Naxçıvan"ı seriyanın ümumi hesabında 0:2 məğlub edən son çempion "Sabah" a rəqib olub. 

 Qeyd edək ki, yarımfinal play-off seriyalarında ilk oyunlar 22-23 apreldə keçiriləcək. Reqlamentə əsasən seriyalarda ən tez iki qələbə qazanmış klublar finala vəsiqə qazanacaqlar.