Azərbaycan Basketbol Liqasının bölgədə daha bir oyunu baş tutdu

 28 və 29 yanvar tarixlərində Azərbaycan Basketbol Liqasında (ABL) 11-ci turdan təxirə salınmış iki oyun keçirilib. Çempionatın liderlərindən sayılan "Sabah" klubu "Neftçi" üzərində 125:89 hesabı ilə rahat qələbə qazanıb. "Gəncə" isə səfərdə "NTD"-ni 102:95 hesabı ilə üstələyib.

 Qeyd edək ki, Azərbaycan Basketbol Liqasında (ABL) 15-ci tura Lənkəran-Ordu oyunu ilə start verilib. Oyun hərbiçilərin 103:63 hesablı qələbəsi ilə yekunlaşıb.

 22-25 yanvar tarixlərində Azərbaycan Basketbol Liqasında (ABL) 14-cü turun görüşləri oynanılıb. "A" və "B" qruplarında baş tutmuş oyunlarda aşağıdakı hesablar qeydə alınıb.

A qrupu

"Gəncə" - "Sabah" (77:101)

"Şəki" - "NTD" (93:95)

"Neftçi" - "Abşeron Lions" (96:107)

B qrupu

"Quba" - "Lənkəran" (86:68)

"Sərhədçi" - "Naxçıvan" (57:65)

"Ordu" - "Sumqayıt" (96:100)

 Qeyd edək ki, 14 turdan sonra "A" qrupuna rəqiblərindən 1 oyun artıq keçirmiş "Abşeron Lions" klubu başçılıq edir. "B" qrupunda isə lider, çempionatda ilk dəfə məğlub olan "Ordu" klubudur. Azərbaycan Basketbol Liqasında (ABL) 15-ci turun oyunlarına 29 yanvarda start veriləcək.

 16-18 yanvar tarixlərində Azərbaycan Basketbol Liqasında (ABL) 13-cü turun görüşləri oynanılıb. "A" və "B" qruplarında baş tutmuş oyunlarda aşağıdakı hesablar qeydə alınıb.

A qrupu

"Gəncə" - "Neftçi" (75:77)

"Sabah" - "Şəki" (112:65)

NTD - "Abşeron Lions" (93:100)

B qrupu

"Lənkəran" - "Naxçıvan" (75:106)

"Ordu" - "Sərhədçi" (98:82)

"Sumqayıt" - "Quba" (94:90)

 Qeyd edək ki, 13 turdan sonra "A" qrupuna rəqiblərindən 1 oyun artıq keçirmiş "Abşeron Lions" klubu başçılıq edir. "B" qrupunda isə lider, məğlubiyyətsiz yoluna davam edən "Ordu" klubudur. Azərbaycan Basketbol Liqasında (ABL) 14-cü turun oyunlarına 22 yanvarda start veriləcək. Əlavə olaraq 11-ci turdan təxirə salınmış "Sabah" - "Neftçi" və NTD - "Gəncə" oyunları müvafiq olaraq 28 və 29 yanvar tarixlərində oynanılacaq.