"Sabah" komandası artıq çempionatın lidərinə tək şərikdir

 28 may tarixində 12 yaşa qədər oğlanlar arasında U-12 basketbol liqasının final və 3-cü yer uğrunda oyunları baş tutub. Bakı İdman Sarayında keçirilmiş 3-cü yer uğrunda oyunda NTD U-12 və "Naxçıvan" U-12 komandaları üz-üzə gəliblər. NTD U-12 komandası rəqibinə 47-40 hesabı ilə qalib gələrək liqanın ən güclü 3-cü komandası olub. Final oyununda gənclər şəhərinin təmsilçisi "Sumqayıt" U-12, "Sabah" U-12 komandası ilə qarşılaşıb. Finalın oyunun əvvələrindən üstünlüyü ələ keçirən "Sabah" U-12 komandası yekunda rəqibinə 73-56 hesabı ilə qalib gələrək U-12 basketbol liqasının çempionu olub. Finalın ən dəyərli basketbolçusu (MVP) "Sabah" U-12 komandasından Emil Mürşüdzadə seçilib. Çempiona kubok və medalları Azərbaycan Milli Komandasının baş məşqçisi Tahir Baxşıyev və onun köməkçisi Anar Sarıyev təqdim edib. Azərbaycan Basketbol Federasiyası (ABF) olaraq bütün mükafatçıları təbrik edir, onlara basketbolçu karyeralarında uğurlar arzu edirik.

  26 may 3x3 basketbol üzrə Qadın Seriyasının "Bakı" mərhələsində ilk günün oyunları baş tutub. Qadın millimiz qrupdakı ilk oyununda Niderland yığmasına 13-19 hesabı ilə məğlub olub. İkinci görüşdə qızlarımız Çexiyanın "Praqa" klubuna 16-12 hesabı ilə qalib gələrək, qrup ikincisi kimi adını turnirin 1/4 final mərhələsinə yazdırıb. Millimizin 1/4 finaldakı rəqibi "C" qrupunun lideri Latviya yığması olub. Qeyd edək ki, oyun 27 may saat 18:15-də başlayacaq.

 14 may Azərbaycan Basketbol Liqasında (ABL) "Sabah"-"Neftçi" final super seriyasının 6-cı oyunu baş tutub. Bakı İdman Sarayında keçirilən oyuna "Sabah" üstün başlayıb və yekunda "Neftçi" üzərində 83-78 hesablı qələbə qazanıb. Bu qələbə ilə birlikdə "Sabah" final seriyasının ümumi hesabında "Neftçi"ni 4-2 hesabı ilə məğlub edərək, ardıcıl 3-cü dəfə Azərbaycan Basketbol Liqasının (ABL 2024/25) çempionu olub. ABL 2024/25 mövsümündə final seriyasının ən dəyərli basketbolçusu (MVP) "Sabah" klubundan Hassani Qravet seçilib.