"Sabah" komandası artıq çempionatın lidərinə tək şərikdir

 Azərbaycan Basketbol Liqasında (ABL) 11-ci tur yekunlaşıb 18 və 19 yanvar tarixlərində Azərbaycan Basketbol Liqasında (ABL) 11-ci turun son oyunları keçirilib. 18 yanvar "Sərhədçi" İdman Mərkəzində "A" qrupunun iki, "B" qrupunun isə bir oyunu baş tutub. NTD-"Abşeron" (87-77), "Naxçıvan"-"Neftçi" (63-73), "Ordu"-"Sumqayıt" (89-82). 19 yanvar isə regionlarda keçirilmiş "B" qrupunun iki oyunu ilə 11-ci tura yekun vurulub. "Şəki"-"Quba" (78-56), "Lənkəran"-"Gəncə" (66-79). Qeyd edək ki, 11 turdan sonra "A" qrupuna "Sabah", "B" qrupuna isə "Şəki" liderlik edir.

 17 yanvar Azərbaycan Basketbol Liqasında (ABL) 11-ci tura start verilib. "Sərhədçi" İdman Mərkəzində baş tutmuş turun açılış oyununda, "A" qrupunun liderlərindən sayılan "Sabah" 85-78 hesabı ilə "Sərhədçi" üzərində qələbə qazanıb. Oyunun ən dəyərli basketbolçusu 24 xal və 8 ribaundla Hassani Qravet ("Sabah") seçilib. Qeyd edək ki, 11-cu turun növbəti oyunları (NTD-"Abşeron", "Naxçıvan"-"Neftçi","Ordu"-"Sumqayıt", "Şəki"-"Quba", "Lənkəran"-"Gəncə") 18 və 19 yanvar tarixlərində keçiriləcək.

  14 və 15 yanvar tarixlərində Azərbaycan Basketbol Liqasında (ABL) 9-cu turdan təxirə salınmış 3 oyun baş tutub. "Naxçıvan" 102-82 hesabı ilə "Abşeron"a qalib gələrək "A" qrupunda ilk sıraya yüksəlib. "Şəki" basketbolçuları "Gəncə" üzərində 72-66 hesablı qələbə qazanaraq, "B" qrupunda birinci pillənin sahibi olublar. "Sumqayıt" klubu isə "Quba" ilə üz-üzə gəlib və rəqibini 126-90 hesablı ağır məğlubiyyətə uğradıb. Qeyd edək ki, "Sumqayıt" klubunun bir oyunda topladığı 126 xal hələki mövsümün rekord göstəricisidir.