"NTD" çempionatın şəriksiz lideridir

 8 fevral Azərbaycan Basketbol Liqasında (ABL) 14-cü tura "B" qrupunda keçirilmiş iki oyunla yekun vurulub. Günün ilk oyununda "Lənkəran" doğma azarkeşləri önündə 97-98 hesabı ilə "Ordu" klubuna məğlub olub. Turun son görüşü Gəncədə "B" qrupunun liderləri arasında baş tutub. Yerli komanda "Gəncə", "Şəki" üzərində 91-77 hesablı rahat qələbə qazanıb və "B" qrupunda liderliyə yüksəlib. Geridə qalmış 14 turdan sonra "A" qrupuna "Sabah", "B" qrupuna isə "Gəncə" klubu liderlik edir.

 4-6 fevral tarixlərində Azərbaycan Basketbol Liqasında (ABL) 14-cü turun 3 oyunu keçirilib. Turun açılış oyununda "A" qrupunun ikincisi "Naxçıvan", səfərdə 76--70 hesabı ilə "Abşeron"u məğlub edib. "Sərhədçi" İdman Mərkəzində "B" qrupunun "Quba"-"Sumqayıt" oyunu baş tutub. "Quba" görüşü 90-80 hesablı qələbə ilə bitirib. Turun mərkəzi oyunlarından sayılan "Neftçi"-"Sərhədçi" oyununda, ağ-qaralar 82-67 hesabı ilə rəqibi üzərində qələbə qazanıb və "A" qrupunda 3-cü pilləyə yüksəlib. Qeyd edək ki, 14-cü tur "Sabah"-NTD, "Gəncə"-"Şəki" və "Lənkəran"-"Ordu" oyunları ilə yekunlaşacaq.

 31 yanvar və 1 fevral tarixlərində Azərbaycan Basketbol Liqasında (ABL) 13-ci turun dörd oyunu keçirilib. Turun açılış oyununda "A" qrupunun vahid lideri "Sabab", səfərdə 59-67 hesabı ilə "Abşeron" a məğlub olub. "Sərhədçi" İdman Mərkəzində yerli komanda "Sərhədçi", "Naxçıvan" la oyunda 16 xallıq üstünlüyü əldən verib və yekunda 76-80 hesablı ilə rəqibinə uduzub. Bakı İdman Sarayında keçirilmiş NTD-"Neftçi" görüşündə 105-100 hesablı qələbə qazanan NTD basketbolçuları olub. "Şəki" klubu isə 8 oyunluq qələbə seriyasını davam etdirə bilməyib və doğma meydanda 93-98 hesabı ilə "Sumqayıt" a məğlub olub. Qeyd edək ki, 13-cü tur "Ordu"-"Gəncə" və "Quba"-"Lənkəran" oyunları ilə yekunlaşacaq