Azərbaycan Basketbol Liqasında 26-cı tur yekunlaşıb

  25 dekabr Azərbaycan Basketbol Liqasında (ABL) 9-cu turun növbəti iki oyunu baş tutub. "Sərhədçi" İdman Mərkəzində keçirilmiş günün ilk oyununda "B" qrupunun güclü klublarından sayılan "Ordu" 99-51 hesabı ilə "Lənkəran"a qalib gəlib. Günün ikinci oyunu "A" qrupunda "Neftçi" və "Sərhədçi" klubları arasında keçirilib. "Neftçi" rəqibinə 77-65 hesabı ilə qalib gələrək, müntəzəm mövsümdə ardıcıl 3-cü qələbəsini əldə edib. 9-cu turun açılış oyununda "Sabah" 94-68 hesabı ilə NTD üzərində qələbə qazanaraq, Azərbaycan Basketbol Liqasında (ABL) ardıcıl 3-cü mövsümdə də qış çempionu olmağı bacarıb.

 9-cu turla bağlı önəmli bir məlumatı da diqqətinizə çatdırmaq istəyirik. Beləki, 25 dekabr AZAL-a məxsus sərnişin təyyarəsinin Qazaxıstanın Aktau şəhəri yaxınlığında qəzaya uğraması nəticəsində çoxsaylı insan tələfatı ilə əlaqədar dekabrın 26-da Azərbaycan Respublikası ərazisində matəm elan olunub. Baş verən faciə ilə əlaqədar Azərbaycan Basketbol Liqasında (ABL) 9-cu turun "Şəki" - "Gəncə", "Sumqayıt" - "Quba" və "Naxçıvan" - "Abşeron" görüşləri irəli bir tarixə təxirə salınıb.

 22 dekabr Azərbaycan Basketbol Liqasının (ABL) "B" qrupunda keçirilmiş iki oyunla 8-ci tura yekun vurulub. Günün ilk oyunu "Gəncə" və "Ordu" klubları arasında baş tutub. Bu oyunda "Ordu" 79-77 hesablı qələbəyə sevinib. Turun son oyununda "Sumqayıt" doğma meydanda "Şəki"yə 66-89 hesabı ilə məğlub olub. 8 turdan sonra "Sabah" klubu "A" qrupunun vahid lideridir. "Gəncə" və "Şəki" klubları isə "B" qrupunda müvafiq olaraq 1-ci və 2-ci pilləni tuturlar

 21 dekabr Azərbaycan Basketbol Liqasında (ABL) 8-ci turun növbəti üç oyunu baş tutub. "Sərhədçi" İdman Mərkəzində keçirilmiş günün ilk oyununda "A" qrupunun lideri "Sabah" klubu "Abşeron"a 94-71 hesabı ilə qalib gəlib. Günün ikinci oyununda "B" qrupunda "Lənkəran" yerli azarkeşlər önündə 60-89 hesabı ilə "Quba" klubuna məğlub olub. 8-ci turun mərkəzi qarşılaşması sayılan "Naxçıvan" - "Sərhədçi" oyununda sərhədçilərin 86-65 hesablı qələbəsi qeydə alınıb. Qeyd edək ki, 8-ci tura sabah keçiriləcək "Gəncə"-"Ordu" və "Sumqayıt"-"Şəki" oyunları ilə yekun vurulacaq