Dünya Qadın Seriyasının "Astara" mərhələsi baş tutub

 13-14 yanvar basketbol üzrə Azərbaycan Kubokunda (2026) 1/8 final mərhələsinin oyunları baş tutub. İlk oyun günündə "Neftçi" klubu, "Lənkəran" üzərində 86:54 hesabı ilə, "Quba" klubu isə səfərdə "Naxçıvan"a 105:98 hesabı ilə qalib gəlib. İkinci oyun günündə "Şəki" doğma azarkeşlər önündə 92:75 hesabı ilə "Sərhədçi" dən güclü olub, "Sumqayıt" basketbolçuları isə səfərdə NTD-yə 116:94 hesabı ilə qalib gələrək sensasiyaya imza atıblar.

 Qeyd edək ki, 1/4 final oyunları ("Sabah" - "Quba", "Abşeron Lions" - "Şəki", "Gəncə" - "Neftçi", "Ordu" - "Sumqayıt") 18-22 fevral tarixlərində Bakı İdman Sarayında keçiriləcək.

 8-11 yanvar tarixlərində Azərbaycan Basketbol Liqasında (ABL) 12-ci turun görüşləri oynanılıb. "A" və "B" qruplarında baş tutmuş oyunlarda aşağıdakı hesablar qeydə alınıb.

A qrupu

"Sabah" - NTD (121:76)

"Neftçi" - "Şəki" (82:60)

"Abşeron Lions" - "Gəncə" (98:93)

B qrupu

"Quba" - "Ordu" (111:116)

"Sərhədçi" - "Lənkəran" (69:72)

"Naxçıvan" - "Sumqayıt" (97:80)

 Qeyd edək ki, 12 turdan sonra "A" qrupuna rəqiblərindən 1 oyun artıq keçirmiş "Abşeron Lions" klubu başçılıq edir. "B" qrupunda isə "Ordu" klubu maksimum nəticə ilə liderliyini davam etdirir. Azərbaycan Basketbol Liqasında (ABL) 13-cü turun oyunlarına 16 yanvarda start veriləcək.

 24 dekabr Bakı İdman Sarayında basketbol üzrə Azərbaycan Kubokunun (2026) püşkatma mərasimi baş tutub. Tədbirdə federasiya rəsmiləri, klub nümayəndələri, media mənsubları, məşqçilər, basketbolçular və hakimlər iştirak ediblər. Püşkatma mərasimini Azərbaycan Basketbol Federasiyasının (ABF) mətbuat katibi Sənan Əliyev qonaqları salamlıyaraq açıq elan edib. Daha sonra səhnəyə dəvət olunan Azərbaycan Basketbol Federasiyasının (ABF) baş katibi Vüqar Əliyev və marketinq meneceri Famil İsgəndəroğlu püşkü reallaşdırıblar. Püşkün nəticələrinə əsasən 1/8 final mərhələsində "Naxçıvan" - "Quba", NTD - "Sumqayıt", "Neftçi" - "Lənkəran", "Şəki" -"Sərhədçi" oyunları keçiriləcəkdir. 2026-cı il 13-14 yanvarda baş tutacaq 1/8 final cütlərində püşkə əsasən adları birinci qeyd olunmuş klublar ev sahibi olacaqlar. 18-22 fevral tarixlərində isə 1/4 finalda "Naxçıvan" - "Quba" cütünün qalibi "Sabah" ilə, NTD - "Sumqayıt" cütünün qalibi "Ordu" ilə, "Neftçi" - "Lənkəran" cütünün qalibi "Gəncə" ilə, "Şəki" - "Sərhədçi" cütünün qalibi isə "Abşeron Lions" ilə qarşılacaqdır. Kubokun reqlamentinə, meydanda 2 yerli basketbolçunun olması və bütün görüşlərin nəticələrinin bir oyuna görə təyin olunması daxil edilmişdir.

 Qeyd edək ki, 1/4 final, yarımfinal və final oyunları Bakı İdman Sarayında baş tutacaqdır.