Basketbol üzrə Azərbaycan Kubokunda qrupların tərkibi müəyyənləşib

 18 oktybar Bakı İdman Sarayında basketbol üzrə 30-cu Azərbaycan çempionatının təntənəli açılış mərasimi baş tutub. Açılış mərasiminə "dunk contest" şousu ilə start verilib. Yarışmanın qalibi öz atletik "dunk" ları ilə "Ordu" klubunun üzvü Brendon Taker olub. Daha sonra isə Azərbaycan Basketbol Liqasında (ABL) "Neftçi" və "Naxçıvan" klubları arasında yeni mövsümün açılış oyunu keçirilib. Başabaş mübarizə şəraitində keçən oyunun yekununda, "Naxçıvan" 84-79 hesabı ilə "Neftçi" üzərində qələbə qazanıb.

  10 oktyabr "Four Seasons" otelində Azərbaycan Basketbol Federasiyasının (ABF) 2024-2025-ci illər mövsümünün başlanması və son basketbol mövsümünün hesabatı ilə bağlı tədbir baş tutub. Tədbirdə Gənclər və İdman naziri Fərid Qayıbov, nazir müavini xanım Mariana Vasileva, Azərbaycan Basketbol Federasiyasının (ABF) prezidenti Emin Əmrullayev, idarə heyətinin üzvləri, federasiyanın əməkdaşları, klub rəhbərləri, nümayəndələri, məşqçilər,basketbolçular və media nümayəndələri iştirak ediblər. Tədbiri giriş nitqi ilə FIBA dərəcəli hakim Urfan Bayramlı açıb. O, federasiyanın son mövsümdə gördüyü işlərdən, beynəlxalq arenada qazanılmış uğurlardan və yeni mövsümdə baş tutacaq yeniliklərdən bəhs edib. Daha sonra tədbirdə çıxış edən gənclər və idman naziri Fərid Qayıbov son illər Azərbaycanda basketbolunun inkişaf dinamikasını xüsusi qeyd edib. Azərbaycan Basketbol Federasiyasının prezidenti Emin Əmrullayev də uğurlu fəaliyyət prinsiplərindən və hədəflərdən söz açıb. Sonda jurnalistlər üçün brifinq təşkil olunub. Qeyd edək ki, ölkəmizdə yeni basketbol mövsümü 18 oktyabr tarixində start götürəcək

  21-22 sentyabr, Zuğulba tədris idman bazasında Azərbaycan Basketbol Federasiyasının (ABF) təşkilatçılığı ilə yerli hakimlərimiz üçün növbəti seminar keçirilib. Hakimlər komitəsinin sədri Ələkbər Həsənovun başçılıq etdiyi seminarın açılışı, ABF-nin idman direktoru Turqay Zeytingözün yeni mövsümlə bağlı verdiyi təlimatlardan sonra start götürüb. 18 yerli hakimin iştirak etdiyi seminarda, hakimlərimizin yeni mövsüm öncəsi hazırlıqları həm nəzəri, həm də praktiki testlərlə sınaqdan keçirilib. Bundan əlavə, FIBA-nın təsdiq etdiyi bu seminarda, beynəlxalq basketbol qurumunun mütəxəssisləri tərəfindən video görüntü ilə yeni qayadaların oyunlarda tətbiq olunması yerli hakimlərə izah olunub. Seminarın əsas məqsədi, yeni mövsüm öncəsi tətbiq olunan yeni qaydaların nəzəri və praktiki cəhətdən tam dəqiqliklə hakimlərə izah olunması və Azərbaycan Basketbol Liqası (ABL) və digər yerli yarışlarda hakimlik etmələri üçün onların bilik və bacarıqlarının artırılmasıdır