Basketbol üzrə Azərbaycan Kubokunda qrupların tərkibi müəyyənləşib

 12 mart Azərbaycan Basketbol Federasiyasının (ABF) prezidenti Emin Əmrullayev Federasiyanın vitse-prezidenti Fərrux Mahmudovla birlikdə ölkəmizdə işgüzar səfərdə olan Latviya Basketbol Assosiasiyasının prezidenti Raymonds Veyonis və digər nümayəndələri ilə görüşüb. Görüşdə iki ölkə arasında basketbol üzrə təcrübə mübadiləsi və qarşıdakı planlar müzakirə edilib. Raymonds Veyonis Federasiyanın uşaq basketbolunun inkişafına dair böyükmiqyaslı planları ilə tanış olaraq bu işləri yüksək qiymətləndirib. Bundan əlavə, 3x3 basketbolun qarşılıqlı olaraq ölkələr arasında sistemli inkişaf etdirilməsi də görüşün əsas müzakirə mövzularından biri olub. Qeyd edək ki, görüşün sonunda tərəflər bir-birinə simvolik milli hədiyyələr verib, xatirə şəkilləri çəkdiriblər.

 11 və 12 mart tarixlərində Bakı İdman Sarayında basketbol üzrə Azərbaycan Kubokunda 1/4 final mərhələsinin oyunları baş tutub. İlk oyun günündə iki görüş keçirilib. NTD klubu 71-66 hesabı ilə region təmsilçisi "Şəki"yə qalib gəlib. "Naxçıvan" isə 102-60 hesabı ilə "Abşeron"u darmadağın edib. İkinci oyun günündə "Gəncə" 94-89 hesabı ilə "Sərhədçi"ni məğlub edib. "Neftçi" klubu isə "Sabah" üzərində 85-81 hesablı çətin qələbəyə sevinib. 1/4 final oyunlarında qeydə alınmış nəticələrdən sonra yarımfinal cütləri müəyyənləşib. "Naxçıvan"-"Gəncə" və "Neftçi"-NTD yarımfinal oyunları 28 mart tarixində Bakı İdman Sarayında keçiriləcək. Qeyd edək ki, kubokun final oyunu isə 30 martda oynanılacaq.

 7 və 8 mart tarixlərində Azərbaycan Basketbol Liqasında (ABL) 17-ci turun 4 oyunu keçirilib. Turun açılış oyununda NTD "A" qrupunun güclü komandalarından sayılan "Naxçıvan"a 85-78 hesabı ilə qalib gəlib və mövsümdə 6-cı qələbəsinə sevinib. İkinci oyun günündə "Sabah" klubu 105-77 hesabı ilə "Neftçi"yə qalib gələrək "A" qrupunda vahid liderliyə yüksəlib. "A" qrupunun sonuncu oyununda "Abşeron" basketbolçuları yerli azarkeşlər önündə "Sərhədçi" üzərində 77-75 hesablı çətin qələbə qazanıblar. "B" qrupunda isə "Quba" 63-66 hesabı ilə "Şəki"yə məğlub olub. Qeyd edək ki, 17-ci tura sabah baş tutacaq "Gəncə"-"Lənkəran" və "Sumqayıt"-"Ordu" oyunları ilə yekun vurulacaq.