Kişi və qadın millilərimiz Avropa Kubokunun final mərhələsinə vəsiqə qazanıblar

 6-8 noyabr tarixlərində Azərbaycan Basketbol Liqasında (ABL) 6-cı turun görüşləri keçirilib. ABL-in altıncı turunda baş tutmuş oyunlarda aşağıdakı hesablar qeydə alınıb.

"Ordu" - "Sabah" (81:93)

"Neftçi" - NTD (82:63)

"Gəncə" - "Sumqayıt" (76:80)

"Naxçıvan" - "Landau Lions" (63:59) ​

 Qeyd edək ki, 8 Noyabr – Zəfər Gününə təsadüf edən turun son iki qarşılaşmasından – Milli Gimnastika Arenasında keçirilən "Naxçıvan" – "Landau Lions" və Gəncə İdman Sarayındakı "Gəncə" – "Sumqayıt" oyunlarından öncə ölkəmizin ərazi bütövlüyü uğrunda canlarından keçmiş şəhidlərimizin əziz xatirəsi bir dəqiqəlik sükutla yad edilib. ABL-də yoluna məğlubiyyətsiz davam edən "Neftçi" klubu çempionatın vahid lideridir. NTD klubu isə turnir cədvəlində sonuncu pillədə qərarlaşıb.

 ​Ölkəmizdə basketbol həyəcanını daha yaxından hiss etmək və klublarımıza dəstək olmaq istəyən azarkeşlər üçün müxtəlif imtiyazları və geniş qiymət aralığını əhatə edən 4 fərqli üzvlük paketi təqdim olunur: ​

Bronze: Bütün oyunlar üçün 119 AZN, seçilmiş bir klubun oyunları üçün 92 AZN. Paketə sadə bilet, rəsmi şərf və açarlıq daxildir. ​

Silver: Bütün oyunlar üçün 299 AZN, seçilmiş bir klubun oyunları üçün 199 AZN. Paket VIP bilet, klubun rəsmi forması və fan-şopda 5% endirim imkanı təklif edir. ​Gold: Bütün oyunlar üçün 992 AZN, seçilmiş bir klubun oyunları üçün 719 AZN. Bu paketin sahibləri VIP bilet, VIP Box şəraitindən istifadə hüququ və fan-şopda 20% endirim əldə edirlər. ​

Family & Friends: Bütün oyunlar üçün 292 AZN, seçilmiş bir klubun oyunları üçün 192 AZN. Valideynlər, uşaqlar və dostlar üçün nəzərdə tutulan bu paketə sadə biletlərlə yanaşı, xüsusi "Mənim ilk oyunum" hədiyyə qutusu daxildir. ​

 Qeyd edək ki, azarkeşlər üzvlük paketlərini Azərbaycan Basketbol Federasiyasının (ABF) rəsmi internet səhifəsi və "ABF" mobil tətbiqi vasitəsilə onlayn qaydada, eləcə də oyun günlərində Bakı İdman Sarayının bilet kassalarından əldə edə bilərlər.

11 noyabr tarixində qadın basketbolçulardan ibarət milli komandamız FIBA Qadınlar Avropa Çempionatı 2029-un ilkin təsnifat mərhələsində mübarizəyə start verəcək. ​A qrupunda yer alan yığmamız qrup mərhələsində İsveçrə, İrlandiya və İslandiya milli komandaları ilə qüvvəsini sınayacaq. Millimiz qrupda ilk oyununu 11 noyabr saat 15:00-da Milli Gimnastika Arenasında İsveçrə seçməsinə qarşı keçirəcək. İkinci oyunumuz eyni arenada 14 noyabr saat 14:00-da İrlandiya yığmasına qarşı baş tutacaq. Qızlarımız 17 noyabrda isə Bakı vaxtı ilə saat 23:30-da səfərdə İslandiya millisinə rəqib olacaq. 

 Qeyd edək ki, bu oyunlar millimizin yunanıstanlı məşqçisi İoannis Dimantakosun rəhbərliyi altında ilk rəsmi oyunları olacaq. İsveçrə və İrlandiya seçmələrinə qarşı Bakıda oynanılacaq görüşlərin biletlərini saytımızın biletlər bölümündən və ya oyun günü arenanın kassalarından əldə edə bilərsiniz.