Qadın millimiz ardıcıl 3-cü dəfə Avropa Kuboku 2026-nın final mərhələsində !

 14 iyun Kosovonun paytaxtı Priştina şəhərində 3x3 basketbol üzrə Avropa Kuboku 2026-nın seçmə mərhələsinin həlledici oyunları baş tutub.Yarımfinalda ev sahibi Kosovo seçməsinə 5:21 hesabı ilə qalib gələn millimiz finala vəsiqə əldə edib. Qızlarımız seçmə mərhələnin ən gərgin görüşü olan final oyunun yekununda İrlandiya yığmasına 21:20 hesabı ilə qalib gəlib. Yarışın ən dəyərli basketbolçusu (MVP) millimizin üzvü Aleksandra Molenhauer seçilib.Bu qələbə sayəsində komandamız Avropa Kuboku 2026-nın final mərhələsinə vəsiqə qazanıb.

 Qeyd edək ki, Avropa Kubokunun (2026) final mərhələsi 11-13 sentyabr tarixlərində Belçikanın Antverpen şəhərində keçiriləcək.

  7 iyun 3x3 basketbol üzrə qadınlardan ibarət milli komandamız Polşanın paytaxtı Varşava şəhərində keçirilən Dünya Çempionatının yarımfinalında ABŞ seçməsi ilə qarşılaşıb. Görüşün sonlarına doğru millimizin lideri sayılan Brianna Freyser zədələnərək oyunu tərk edib və əlavə vaxtın yekununda millimiz rəqibinə 18:19 hesabı ilə məğlub olub. Qızlarımız 3-cü yer uğrunda görüşdə Niderland yığması ilə qarşılaşıb. Brianna Freyserin iştirak etmədiyi görüşdə millimiz oyunu 3 basketbolçu ilə davam etdirmək məcburiyyətində qalıb və yekunda rəqibinə 14:21 hesabı ilə məğlub olaraq, ilk dəfə iştirak etdiyi Dünya Çempionatını 4-cü pillədə yekunlaşdırıb.

 6 iyun 3x3 basketbol üzrə qadın millimiz Polşanın paytaxtı Varşava şəhərində keçirilən Dünya Çempionatının 1/4 finalında Almaniya seçməsinə qarşı oyuna çıxıb. 5 iyun əlavə vaxta getmiş play-in oyununda Litva millisinə 12:14 hesabı ilə qalib gələn qızlarımız, almanlarla görüşün əvvəllərində hesabda geridə olsalar da, daha sonra Brianna Freyserin dominant oyunu sayəsində geridönüş edib rəqibinə 18:16 hesabı ilə qalib gələrək, yarımfinala vəsiqə qazanıblar. Millimizin yarımfinaldakı rəqibi ABŞ seçməsi olacaq. Oyun Bakı vaxtı ilə saat 19:30-da start götürəcək.

 Qeyd edək ki, Dünya Çempionatına 7 iyunda yekun vurulacaq.