Basketbol üzrə Azərbaycan çempionatına hazırlıq məqsədi daşıyan turnir yekunlaşdı

  14 aprel Honkonqda 3x3 basketbol üzrə "Paris - 2024" Olimpiadasına vəsiqə verən ilk təsnifat mərhələsinə yekun vurulub. Təsnifat mərhələsinin final oyununda 3x3 qadın millimiz güclü Polşa seçməsinə qarşı əlavə vaxta gedən oyununun sonunda 18-17 hesabı ilə qalib gələrək, "Paris-2024" Olimpiadasına vəsiqə qazanıb. Qeyd edək ki, bu Azərbaycanın komanda idman növləri tarixində bir ilkdir

  27 mart "Sərhədçi" İdman Mərkəzində, basketbol üzrə Azərbaycan Kubokunun "B" qrupunda son iki oyun keçirilib. Günün ilk oyunu "Gəncə" və "Şəki" komandaları arasında baş tutub. Bu oyun "Gəncə" klubunun 85-78 hesablı qələbəsi ilə yekunlaşıb. Ən məhsuldar basketbolçular: "Gəncə" (Donovan Filds - 20 xal, 7 asist), "Şəki" (Simeus Vebster - 22 xal, 14 ribaund) Günün ikinci oyununda qrupdan çıxmaq uğrunda mübarizə aparan "Sabah" la, "NTD-İNDİQO" üz-üzə gəlib. Bu görüşdə "NTD-İNDİQO" 89-85 hesablı qələbə qazanaraq, "B" qrupunu lider tamamlayıb. "Sabah" ın məğlub olmasından sonra, "Sərhədçi" yarımfinala vəsiqə qazanıb. Ən məhsuldar basketbolçular: "Sabah" (Endər Poladxanlı - 21 xal, 10 ribaund), "NTD-İNDİQO" (Qriffin Remmi - 21 xal, 11 asist) Qeyd edək ki, kubokun yarımfinal oyunları ("NTD-İNDİQO" - "Xəzri", "Neftçi" - "Sərhədçi") 17 aprel tarixində keçiriləcək

  15 mart tarixindən etibərən, Azərbaycan qadın basketbolu tarixində ilk dəfə olaraq pley-off 'lu yerli çempionat start götürəcək. Azərbaycan Qadınlar Liqası (AQL) adı altında keçiriləcək basketbol üzrə iki dövrəli çempionatda, 6 komanda (AzStars, Alov, Neftçi, Xırdalan, Gəncə, Qaradağ) çempionluq uğrunda mübarizə aparacaq. Reqlamentə əsasən, müntəzəm mövsümün sonunda ilk dörd pilləni tutmuş klublar, dördlər finalında çempionun adına aydınlıq gətirəcəklər. Qeyd edək ki, Azərbaycan Qadınlar Liqasının (AQL) oyunları Azərbaycan Texniki Universitetinin idman zalında keçiriləcək