ABŞ, Çin və İspaniya kimi basketbol hegemonları çempion "Neftçi" yə baş əydilər

  25 aprel "Sərhədçi" İdman Mərkəzində, Azərbaycan Basketbol Federasiyasının (ABF) məşqçilik seminar təlimlərini uğurla tamamlamış uşaq basketbol məşqçilərinə sertifikatların təqdim olunma mərasimi baş tutub. Federasiya rəsmiləri tərəfindən seminarı uğurla tamamlamış 44 məşqçidən 9-u "B", 35-i isə "C" kateqoriyalı sertifikatlarla təltif olunub. Qeyd edək ki, seminar təlimlərdə uğursuz nəticə göstərmiş məşqçilər üçün, Azərbaycan Basketbol Federasiyası tərəfindən yay aylarında yenidən seminar təlimlər təşkil olunacaqdır.

  20 aprel "Sərhədçi" İdman Mərkəzində, basketbol üzrə Azərbaycan Kubokunun final oyunu baş tutub. Dolu tribunalar qarşısında keçirilən "Neftçi" - "Xəzri" klublarının oyununda, görüşə "Xəzri" üstün başlayıb və hesabda 10 xal fərqi ilə üstünlük yaxalayıb. Lakin sonradan geridönüş etməyi bacaran "Neftçi", yekunda 65-61 hesablı qələbə qazanaraq, kubokun sahibi olub. Finalın ən dəyərli oyunçusu (MVP) "Neftçi" dən Ulaş Turqut seçilib. Ən məhsuldar basketbolçular: "Neftçi" (Ulaş Turqut - 15 xal, 8 ribaund), "Xəzri" (Cordan Perkins - 15 xal, 13 asist)

  25 aprel 2024-cü il saat 12:00-da Sərhədçi İM də Azərbaycan Basketbol Federasiyası tərəfindən ölkə ərazisində fəaliyyət göstərən uşaq basketbol məşqçiləri seminar təliminin qiymətləndirilməsində uğurlu nəticələr əldə etmiş məşqçi/müəllimlərə Azərbaycan Basketbol Federasiyasının "B" və "C" kateqoriyalı sertifikatlar təqdim olunacaq. Azərbaycan Basketbol Federasiyası tərəfindən ölkə ərazisində fəaliyyət göstərən uşaq basketbol məşqçiləri seminar təlimdə uğursuz nəticə əldə edənlər yay mövsümündə həftədə 2 dəfə olaraq 3 həftəlik seminar təlimlər olacaq. Seminar təlimlərdən sonra yenidən imtahan olacaq. "C" kateqoriyası alan məşqçi müəllimlər kateqoriya səviyyəsini artırmaq üçün yay mövsümündə keçiriləcək imtahanda iştirak edə bilərlər

  Hər kəsə gələcək karyerasında uğurlar və müvəffəqiyyətlər arzu edirik