Qadınlar arasında basketbol üzrə Azərbaycan Kubokunun qalibi müəyyənləşdi

  20 aprel "Sərhədçi" İdman Mərkəzində, basketbol üzrə Azərbaycan Kubokunun final oyunu baş tutub. Dolu tribunalar qarşısında keçirilən "Neftçi" - "Xəzri" klublarının oyununda, görüşə "Xəzri" üstün başlayıb və hesabda 10 xal fərqi ilə üstünlük yaxalayıb. Lakin sonradan geridönüş etməyi bacaran "Neftçi", yekunda 65-61 hesablı qələbə qazanaraq, kubokun sahibi olub. Finalın ən dəyərli oyunçusu (MVP) "Neftçi" dən Ulaş Turqut seçilib. Ən məhsuldar basketbolçular: "Neftçi" (Ulaş Turqut - 15 xal, 8 ribaund), "Xəzri" (Cordan Perkins - 15 xal, 13 asist)

  25 aprel 2024-cü il saat 12:00-da Sərhədçi İM də Azərbaycan Basketbol Federasiyası tərəfindən ölkə ərazisində fəaliyyət göstərən uşaq basketbol məşqçiləri seminar təliminin qiymətləndirilməsində uğurlu nəticələr əldə etmiş məşqçi/müəllimlərə Azərbaycan Basketbol Federasiyasının "B" və "C" kateqoriyalı sertifikatlar təqdim olunacaq. Azərbaycan Basketbol Federasiyası tərəfindən ölkə ərazisində fəaliyyət göstərən uşaq basketbol məşqçiləri seminar təlimdə uğursuz nəticə əldə edənlər yay mövsümündə həftədə 2 dəfə olaraq 3 həftəlik seminar təlimlər olacaq. Seminar təlimlərdən sonra yenidən imtahan olacaq. "C" kateqoriyası alan məşqçi müəllimlər kateqoriya səviyyəsini artırmaq üçün yay mövsümündə keçiriləcək imtahanda iştirak edə bilərlər

  Hər kəsə gələcək karyerasında uğurlar və müvəffəqiyyətlər arzu edirik

  17 aprel "Sərhədçi" İdman Mərkəzində, basketbol üzrə Azərbaycan Kubokunun yarımfinal oyunları baş tutub. Günün ilk yarımfinal oyunu "NTD-İNDİQO" və "Xəzri" komandaları arasında baş tutub. Yerli basketbolçuların inamlı oyunu sayəsində "Xəzri" klubu görüşü 78-73 hesablı qələbə ilə tamamlayıb. Ən məhsuldar basketbolçular: "NTD-İNDİQO" (Elşad Şirzadov - 16 xal, 4 ribaund), "Xəzri" (Vüqar Məmişov - 18 xal, 3 ribaund) Günün ikinci yarımfinal oyununda "Neftçi" və "Sərhədçi" klubları qarşılaşıblar. Oyun "Neftçi" klubunun 91-73 hesablı qələbəsi ilə bitib. Ən məhsuldar basketbolçular: "Neftçi" (Ceyms Haforn - 19 xal, 5 ribaund), "Sərhədçi" (Ramiz Quliyev - 15 xal, 4 asist)

  Qeyd edək ki, kubokun final oyunu 20 aprel saat 15:00 -da baş tutacaq və İdman TV -də canlı yayımlanacaq