U-18 qadın millimiz artıq top ən güclü 12 komanda arasındadır !

 27 iyul 3x3 basketbol üzrə qadın millimiz Qadın Seriyasında Sumqayıt mərhələsinin final oyununa çıxıb. Qızlarımız Latviya yığmasına 15:12 hesabı ilə qalib gəlib və doğma azarkeşlər önündə hamıdan güclü olaraq çempion ünvanına yiyələnib. Sumqayıt mərhələsinin ən dəyərli oyunçusu (MVP) millimizin üzvü Aleksandra Mollenhauer seçilib. Qeyd edək ki, millimiz keçirdiyi bütün oyunlarda rəqiblərinə qalib gəlib. Yarışın sonunda, Arika Karter, Aleksandra Mollenhauer, Brianna Freyzer və Dina Ulyanovadan ibarət olan millimizin heyət üzvləri çempionluğu bayram edib və xatirə şəkilləri çəkdiriblər.

 Bu gün Azərbaycan Basketbol Federasiyasının (ABF) prezidenti Emin Əmrullayev, federasiya rəsmiləri ilə birlikdə Türkiyənin tanınmış qadın basketbol klublarından biri olan "Nəsibə Aydın" basketbol klubunun prezidenti Mirkan Aydın və klub nümayəndələri arasında rəsmi görüş keçirilib. Görüşün əsas mövzusu iki ölkə arasında qadın basketbolunun inkişafı, ortaq layihələr və qarşılıqlı təcrübə mübadiləsi məsələləri müzakirə olunub. Tərəflər gələcəkdə müxtəlif yaş qrupları üzrə qadın basketbolçular arasında birgə turnirlər və təlim proqramlarının həyata keçirilməsi perspektivlərini də dəyərləndiriblər. Federasiya prezidenti Emin Əmrullayev görüş zamanı Türkiyə basketbolunun bölgədəki təcrübəsindən faydalanmağın müsbət tərəflərindən danışıb və "Nəsibə Aydın" klubunun qadın basketbolundakı uğurlarını yüksək qiymətləndirib. Qarşılıqlı olaraq Mirkan Aydın da Azərbaycan basketbolunda son illərdə müşahidə olunan inkişafı təqdir edərək, gələcək əməkdaşlıqlarda uğurlu nəticələrin qeydə alınacağına inandığını söyləyib.

 13 iyul 3x3 basketbol üzrə qadın millimiz Qadın Seriyasında Buxarest mərhələsinin final oyununa çıxıb. Qızlarımız ABŞ-nin güclü "Seattle" klubuna 21:18 hesabı ilə qalib gəlib və Rumıniyada hamıdan güclü olaraq çempion ünvanına yiyələnib. Buxarest mərhələsinin ən dəyərli oyunçusu (MVP) millimizin üzvü Brianna Freyzer seçilib. Qeyd edək ki, millimiz keçirdiyi 7 oyunun hamısında rəqiblərinə qalib gəlib. Yarışın sonunda, Arika Karter, Aleksandra Mollenhauer, Brianna Freyzer və Dina Ulyanovadan ibarət olan millimizin heyət üzvləri çempionluğu bayram edib və xatirə şəkilləri çəkdiriblər.