ABF

yeni 01 avq 2024

Qızlarımız Parisdə basketbolun yaradıcıları sayılan ABŞ millisi üzərində tarixi qələbə qazanıblar

31 iyul “Paris-2024” Yay Olimpiya Oyunlarında qadınlar arasında keçirilən 3x3 basketbol idman növü üzrə oyunlar davam edir. Millimiz ikinci qrup oyununda ABŞ seçməsi ilə qarşılaşıb. Gərgin mübarizə şəraitində keçmiş oyunun yekununda, qızlarımız basketbolun yaradıcıları olan ABŞ millisinə 20-17 hesabı ilə qalib gələrək tarixi uğura imza atıblar. Oyunun ən dəyərli oyunçusu (MVP) millimizin üzvü Tiffany Hayes olub

Ətraflı bax

0 1 / 0 3

yeni 28 yan 2025

Yeniyetmələrdən ibarət oğlan və qız millilərimizin Avropa çempionatının qrup mərhələsindəki rəqibləri məlum olub

25 iyul-3 avqust Rumıniyanın Piteşti şəhərində 18 yaşlı oğlanlar arasında baş tutacaq Avropa çempionatı "B" divizionunda U-18 millimiz "B" qrupunda, Rumıniya, Gürcüstan, Danimarka, Ukrayna və Portuqaliya yığmalarının rəqibi olacaq. 4-13 iyul tarixlərində isə U-18 qız millimiz Litvanın Alitus və Vilnüs şəhərlərində Avropa çempionatı "B" divizionunun "B" qrupunda, Bosniya və Herseqovina, Litva, Kosovo, Ukrayna və İslandiya yığmaları ilə üz-üzə gələcək.

5-13 iyul Albaniyanın Tirana şəhərində 16 yaşlı oğlanlar arasında baş tutacaq Avropa çempionatı "C" divizionunda U-16 yığmamız "B" qrupunda, Lüksemburq, Andorra, San Marino və Cəbəllütariq yığmalarının rəqibi olacaq. 20-29 avqust tarixlərində isə U-16 qız millimiz Türkiyənin İstanbul şəhərində baş tutacaq Avropa çempionatı "B" divizionunun "B" qrupunda Slovakiya, İsveç, Niderland və Lüksemburq seçmələri ilə qarşılaşacaq.

Ətraflı bax

0 2 / 0 3

yeni 15 may 2025

Çempion "SABAH" !

14 may Azərbaycan Basketbol Liqasında (ABL) "Sabah"-"Neftçi" final super seriyasının 6-cı oyunu baş tutub. Bakı İdman Sarayında keçirilən oyuna "Sabah" üstün başlayıb və yekunda "Neftçi" üzərində 83-78 hesablı qələbə qazanıb. Bu qələbə ilə birlikdə "Sabah" final seriyasının ümumi hesabında "Neftçi"ni 4-2 hesabı ilə məğlub edərək, ardıcıl 3-cü dəfə Azərbaycan Basketbol Liqasının (ABL 2024/25) çempionu olub. ABL 2024/25 mövsümündə final seriyasının ən dəyərli basketbolçusu (MVP) "Sabah" klubundan Hassani Qravet seçilib.

Ətraflı bax

0 3 / 0 3

U-12 basketbol liqasının çempionu "Sabah" U-12 komandasıdır

28 may tarixində 12 yaşa qədər oğlanlar arasında U-12 basketbol liqasının final və 3-cü yer uğrunda oyunları baş tutub. Bakı İdman Sarayında keçirilmiş 3-cü yer uğrunda oyunda NTD U-12 və "Naxçıvan" U-12 komandaları üz-üzə gəliblər. NTD U-12 komandası rəqibinə 47-40 hesabı ilə qalib gələrək liqanın ən güclü 3-cü komandası olub. Final oyununda gənclər şəhərinin təmsilçisi "Sumqayıt" U-12, "Sabah" U-12 komandası ilə qarşılaşıb. Finalın oyunun əvvələrindən üstünlüyü ələ keçirən "Sabah" U-12 komandası yekunda rəqibinə 73-56 hesabı ilə qalib gələrək U-12 basketbol liqasının çempionu olub. Finalın ən dəyərli basketbolçusu (MVP) "Sabah" U-12 komandasından Emil Mürşüdzadə seçilib. Çempiona kubok və medalları Azərbaycan Milli Komandasının baş məşqçisi Tahir Baxşıyev və onun köməkçisi Anar Sarıyev təqdim edib. Azərbaycan Basketbol Federasiyası (ABF) olaraq bütün mükafatçıları təbrik edir, onlara basketbolçu karyeralarında uğurlar arzu edirik.